ركزوا كويس
اول لما ابتديت دروس ثانوية عامة
ابتديت عربي و الحمد لله حسيت اني كويس و تمام و بعدين ابتديت درس الفرنساوي ابتديت استريح من الفرنساوي
و بعدين السنتر كلمني و قالي المواعيد بتاعت الدروس الكمياء و الفيزياء و الانجليزي
اول لما ابتديت  اروح بقي درس الكمياء مع مستر نادر لبيب كنت متحفذ جدا و كان مدرس في غاية الروعة و حسيت اني اول مرة يتشرحلي كمياء بس حبييت المادة دي فعلن
و بعدين بدات فيزياء مع مستر ياسر مراد كان شرحه فوق الخيال يبسطلك المعلومة و يخليها سيمبل خالص و تحس ان الفيزياء سهلة  بس كانت مشكلتي مع مستر ياسر ان الواجب كان كتير بس انا كنت راجل و استحملت كل الواجبات
و بعدين بدء مستر احمد صلاح بردو مدرس فوق الوصف  و مدرس عسلية  و كان وقت الجد جد وقت الهزار هزار
و طبعا منساش مستر محمد سلامة مدرس حساب 2 كان بيدي واجب كتير و امتحانات اكتر بس تخرج فاهم في الاخر
ويوم ما جاه الامتحان الثانوية كان قلبي عامل يدق معرفش بفي من الخوف ولا من هستريح قريب
بس ربنا سترها علينا و الحمد لله
الامتحانات كانت محتاجة راجل بيذاكر كويس مش شوية يذاكر و شوية يلعب و الحمد انا كنت اد الامتحانات و دخلت و حلت كويس جدا
و شكرت ربنا بعديها علي انو وفقني و مع اني مكنتش ملتزم
بس برضوا (الله لا يضيع حق من احسن عمل(
و يوم بقي ظهور النتيجة الثانوية دا كان يوم ما يعلم بيه الا ربنا و كل طالب ثانوي
و هو قلقان علي ظهور النتيجة
و يوم ما كانت النتيجة طلعت انا كنت في قمة السعادة
و لم اتوقع اني سوف احصل 97.5%
بعد توفيق الله و مساعدة والدي
ربنا يجزيهم كل خير
و يوم ظهور التنسيق و كان مجموعي يدخلني
كليه هندسة جامعة القاهرة
كنت فعلن هموت من الفرح و انا داخل مع اصحابي و رافع راس اهلي
و كل الناس في المنطقة ينادوا امي
(ام البشمهندس محمد)